З мэтай папулярызацыі беларускай мовы, літаратуры і культуры ў ДАУ “Сярэдняя школа № 8 г.Слоніма” была арганізавана сустрэча з беларускім пісьменнікам, педагогам, драматургам, членам Саюза пісьменнікаў Беларусі Аляксеем Мікалаевічам Якімовічам.
На сустрэчы вучні 4-х класаў даведаліся пра тое, як нараджаюцца новыя творы, як выходзяць у свет і даходзяць да юнага чытача кнігі, што па п’есах пісьменніка ставяцца спектаклі ў тэатрах. Вучні з вялікай цікавасцю слухалі выступленне пісьменніка. Асабліва спадабаліся ім новыя арыгінальныя вершы Аляксея Якімовіча. Рабятам была прадстаўлена магчымасць прыняць удзел у падборы рыфмаў да вершаваных твораў.
Сустрэча прайшла ў цёплай, добразычлівай абстаноўцы. Удзячныя вучні падаравалі пісьменніку песні, якія прагучалі на роднай беларускай мове.
